الموضوعات الأكثر
ولي ولي العهد كل العبارات
تعطيك بيعة بالوفا والولا لك
مشاعر الشعب السعودي من الذات
تشوف فيك الخير والعز فالك
فن السياسة واتحاذ القرارات
نبراسها في حكمتك وارتجالك
لاسمى المواقف والمواقف دلالات
إن القيادة يا القيادي مجالك
تنعاج لك لانظار وتطيح هامات
أمام هيبة حنكتك واعتدالك
شجاعة الموقف لها فيك ميزات
على خطى سلمان سرت وصفى لك
شعبٍ ولاه بصدق في كل الاوقات
يثني عليك ويندفع بالدعا لك
يا النادر اللي في جميع المجالات
شديت لـلمجد المظفر رحالك
من جامعة سلمان رمز القيادات
نهلت وأتقنت الدروس وبنا لك
مستقبل القادة وعز المسارات
فعلك لها يا شبل سلمان مالك
على جميع الاصعدة والسياسات
تجلس على عرش الصدارة لحالك
الحكم فيك يعيش عز وناجحات
والجيش كله يا محمد رجالك
أعظم وطن واوفى جنود وقطاعات
على يمينك باللزوم وشمالك
مقدرينٍ موقفك والطموحات
نهضة وطنا هاجسك وانشغالك
- فتاة نجد