هَمّش العقل نفسه والضمير اعتزل

واستباح العرب دم العرب بابتذال

يالله إني دخيلك من زمان الهَبَل

يذبح المسلم المسلم طغى واغتيال

والمخَطّط نِشَرْ فوضاه بين الجَهل

والمجاهد نحر نفسه بسوق الضّلال

وكل باغي تَنصَّب بالجرايم بَطل

واجرم الجرْم تلبيس الجرايم عقال

بين أهل العَمايم والملاحِد غَزَل

والهدف لابس البشْت الموشّي باعتدال

ياهل الشان والأدراك حثّوا العمل

ما بقى غيركم يطمَح لْصَعب المنال

انقذوا ما بقى وابنوا عليه الأمل

والليالي تِسارَع والأماني طْوال

لا تخلّونها للّي غَزَلْها وفتل

ما يغطّي بشمسه ما دفَن بالظلال

التجارب دروس اللي براسه عَقِل

ما بقى للتغاضي عن خطرها مجال

احزموا أمركم والله عليه التّكل

ما يخيب الذي منصاه رب الجلال

شعر - خالد الفيصل