سافري عن عيون الحب دامك بعيني

خلّي القلب يهدا والمدينة تنام

التعب مل صبري يا رفيقة سنيني

حان وقت الرحيل وفات وقت الخصام

بينك وبين نفسك يكفي تودعيني

صوت الأحزان راحة عند صمت الكلام

وان ذكرني حنينك أو طرى لك تجيني

واصليني شعور وذكريات وآلام

آه.. والشوق يرسم خطوتك في جبيني

والسوالف بصدري كلها لك غرام

لا تقولين ضيّعت الغلا من يديني

تاهت أيام حلمك في دروب الظلام

هاجرتني بقلبك قبل لا تهجريني

لكن العشق ما يكتب رسايل ملام

دمعتي لو تساوي بسمتك.. صدقيني

كان قلت السعاده بعد فقدك حرام

لو تطول المسافه بين قلبك وبيني

ما تمل الشوارع من حديث الزحام

ليه أعاتبك قولي.. ليه أقول أعذريني

وإنتي اللِّي وداعك في عيوني سلام

- الشاعر الأمير/ د. سعد آل سعود