الموضوعات الأكثر
الجزيرة - عبدالعزيز بن سعود المتعب:
يُجسِّد الشاعر في القصيدة التالية مشاعر الولاء والوفاء والمحبة في قلوب أبناء المملكة العربية السعودية، لمقام سيدي خادم الحرمين الشريفين الملك سلمان بن عبد العزيز - أطال الله عمره وأدام عزّه -، ويعكس عمق اللحمة الوطنية المُشرِّفة وهو ما يعتز به كل الشعراء الشعبيين السعوديين في قصائدهم.
ايشوش راسي كلما قلت سلمان
رمز الشموخ البسمة المستنيره
شيخ الشيوخ اللي له المجد نيشان
الشامخ المقدام عزمٍ وسيره
اللي بنى بالحب تاريخ مزدان
اشرق على الشعب السعودي وغيره
العدل منهاجٍ قديمٍ وميدان
عنده توقّف في فيافي غديره
ضحكة احجاجه سيل ساقي وبستان
فلٍ وياسمينٍ سقانا عبيره
يسعد صباحه والضحى وكل الازمان
ويرعاه ربي كل ما جد سيره
لبيه يا فجرٍ صباحه بكم زان
ولبيه يا صقر العرب يا كبيره
جيت الرياض وكانت اشباه عمران
ابيوت طين اعشاش اطياف ديره
فكّرت فيها بفكر صادق وايمان
ولبستها عزمك وصارت تديره
حتى كساها الفخر وعزت به وبان
فيها سمو الفكر وناداك خيره
من زارها يشهد على المجد والوان
مجدك تلالى في الفيافي نميره
وصارت تنادي وارف العز وازدان
فيها شموخك لين رامت كثيره
حتى تغنّت به وغنّاك بلسان
حب المواطن يا هناه وكبيره
وصار الرياض اجمل من الزين ماكان
يشرق بعزّك يا امام المسيره
واليوم قدت العرب في خير ميدان
يوم اليمن نادى وعينه كسيره
قال افزعوا لي قلت ابشر بالاحسان
وناديت شبلك ثم جاب الذخيره
ووقف وهو يضحك من الفخر مزدان
فارس ولد فارس له العز ديره
وقلت اليمن ناداك ياطير حوران
كبّر وقال ابشر علينا يسيره
وفزّيت له في عز والعز ميزان
وحزمت امرك قلت يالله خييره
وعزمت بعد الحزم توقف ولاهان
من كان مع ربه ولا يروم غيره
وقفة كبيرٍ ما تقيّم بالاثمان
يبقى صداها بين الاجيال سيره
وامطر على الحوثي من الجو بركان
يزفر زفيره موت ..يهدر هديره
وصار الامل والنصر بالعزم عنوان
عزمك وحزمك وين ماطار طيره
يا مسطّر امجاد العرب عزكم بان
تاريخ مكتوبٍ لفانا سفيره
يرقى سنام الفخر عهدك والاوطان
تفخر بمثلك مال الامجاد غيره
واشرق علينا بخير في وجه سلمان
وجه الامام وعز شعب الجزيره
الشاعر/ ناصر ابراهيم الدوسري - رأس تنورة