يا سيدي سلمان فالميقاف والله ما نمل

من حيث ما وجهتنا شيباننا وغلامنا

حنا يمينك تحت ظل قيادتك رجل رجل

وليا قضينا من يمنا ما نسينا شامنا

حنا حماة الدار من ماض الزمن قول وفعل

دخيلنا يامن ونقدم ما تلين عظامنا

يابو فهد تبشر بجيشٍ لايهاب ولا يذل

عدونا يموت فجعه قبل ضرب سهامنا

عزالله ان هادي على ماقيل مزبانه جبل

نصى الزعيم اللي تقدمنا وعز اسلامنا

نصى الزعيم اللي درى ان المسألة ماتحتمل

تاخير وان اللي يعادينا يشوف اقدامنا

لوا لوا يالحوثي الخوان غصبا تعتزل

حنا عمى عينك وحنا اللي نذل اخصامنا

واللي يشكك في عقيدتنا ترى ماله محل

جنى على نفسه وشعبه ماسمع كلامنا

اللي يصادقنا كفو واللي يعادينا خبل

وبقدرة الرحمن حققنا جميع احلامنا

الشعب كله صف واحد مابدا فيه الخلل

واللي يمس اسلامنا تاطا عليه أقدامنا

اربض ياكلب ايران والنيران فوقك تشتعل

حنا نغيض اخصامنا والعام هذا عامنا

- بندر بن تركي المقاطي