الموضوعات الأكثر
يالله يا معبود يا عالي الشان
تحفظ بلدنا من شرورآ تعاديه
من بعدما عزم على الحرب سلمان
الحزم لبى له وحنا نلبيه
حنا لها لثارت الأرض بركان
بالروح قبل المال والجاه نفديه
جينا نبي ناطى على كل خوان
ونرفع سيوف الحق ضده ونرديه
الوقت ما يرحم ضعيفين الايمان
واللي بدأ بالغدر لازم نجازيه
الصبر ماله عندنا اليوم عنوان
في ظل قايدنا عسى الله يحميه
عشنا بشرع الله وفي أمن وأمان
واليوم رد الدين والكل يوفيه
لاجل الوطن نهجم على كل عدوان
ندفع سهام الموت دونه و نرميه
وياللي تعادينا بلا شك خسران
حنا هل التوحيد نفهم مباديه
الدين دين الله سنه وقرآن
والعلم نور والجهل من يداويه
افهم يا حوثي دام تدعمك طهران
هذا اليمن اصل العرب ما نخليه
- أحمد أبو خشيم