الموضوعات الأكثر
طبلة الحراب دنّت وحنا جاهزين
مرحبا حيل الله أقوى وبالله الرجا
والله انا ما نعيل ولا نقبل عايلين
لين تصبح عبرة احفاد مع جدٍ نجا
يا طويق يجيبك النير ويجاوبك تين
والسراوات وجبل لوز والعارض واجا
الاوامر من ملكنا امام المسلمين
والهدف من خالف الدين وحروف الهجا
2
يا ملكنا سم والسمع والطاعة
طاعتك فالسلم والفرض والسنة
لامرك عيالك للارواح بيّاعه
دون شبر من الوطن تطلب الجنة
ناخذ من السلم وايام مرباعه
قوةً للحرب والضرب منسنه
من يعادينا يبا يترك اطماعه
لو هقا لابد ما يختلف ظنه
3
الراي ترفع به الرايات
كلمة وتنفذ على الغايات
مِن مَن نفذ رايه وشوره
الحزم ابا العزم والظفرات
والترك ابا الفرك والعثرات
وحنّا تحت راي أخو نورة
4
فوارس الجو واحراره
اعيال فوارس الصحرا
اجدادهم شنّوا الغاره
على عبيّان والصفرا
واليوم كلّن بطيّاره
تقصف هدفها من الندرا
يا ساعة الصفر جزّاره
جمعتي الشمس والقمرا
من خلفك اجيوش جرّاره
سقم العدا حربة النمرا
الكل منهم فدا داره
وسلمان والرايه الخضرا
كلّه لاجل صيحة الجاره
ما فيه قيصر ولا كسرا
5
يا دارنا حنا الرجال البواتيع
نفرض ولا تفرض علينا الاراده
هنا الجهاد اللي نقوم ابه ونذيع
ماهو جهاد اللي مضيّع جهاده
بنفوسنا نزهد والارواح للبيع
واثمانها بين النصر والشهاده
يابنت ياللي تخضبين الاصابيع
ومن الحيا والستر والزين غاده
شومي لنا حنا السباع القواطيع
واخذي عمايمنا لجيدك قلاده
- عكاش بن غزاي