تبسمي يا بنت بالعز والجاه

مهرك سحاب وطايرات الاباشي

انتِ فخر مدام سلمان مبداه

خيم على الحوثي سوات المناشي

فلي شعورك والعبي يالخونداه

دام الرياض بجو غيم ورشاشي

انتِ وطن واغلى وطن وانتِ مناه

دونك يطول جدالها والنقاشي

وانتِ هلاك لكل من رايه اطغاه

وانتِ عمار وطيب حظ ومعاشي

وانتِ عطا يا حظ من ربي اعطاه

مثلك يا دار المجد والا بلاشي

والطامع اللي جاب غله من اقصاه

يطيح بانياب الذيابه عراشي

واللي نبح من جور حقده وبلواه

ماهمنا والركب آمن وماشي

- ذكرى الشعلان