يالسعودي عزيز بكل حين

ترتكي للعظايم والجسام

سم بالله وارفع باليمين

راية الحق في حرب وسلام

شد عزمك وربي لك يعين

من توكل على الله مايضام

واجه عداك مرفوع الجبين

لاتهمك خفافيش الظلام

دام عصمتك بالحبل المتين

عن حدودك عيونك ماتنام

ادحر الطامعين المعتدين

كن عليهم مثل حد الحسام

انت دون الوطن حصنٍ حصين

ودايم همتك فوق الغمام

عاصفة حزمنا بالخاينين

فعلها يوم عن عشرين عام

قادها بالفعل ليث العرين

ابن سلمان ماهو بالكلام

ورد كيد العداة العابثين

وعودوا بالفشيلة والملام

والسعودي على مر السنين

رايته فوق من عصر الامام

يابس الراس عزمه مايلين

لين يبلغ من العز السنام

- علي بن عبدالله المفضي