الموضوعات الأكثر
دق ناقوس الخطر منا ومنا
واستعنا واحدن مافيه غيره
ولا توكلنا على الله واستعنا
ماحسبنا للكبيره والصغيره
لا يهمك لا يهمك يا وطنا
لو مقابيس الخطر في كل ديره
الملك ذخر الفهد والشعب حنا
ومن طمع في دارنا حسنا مريره
علم الحوثي ورد العلم عنا
كان قام الحرب قلنا الحرب خيره
ابك لولا طيبنا وفعول اهلنا
ما تسلطنا على شبه الجزيره
يومها بالشلف والسيف المحنا
ندحم الاخصام ونجر الجريره
كيف عاد اليوم يومنا يومنا
احتزمنا بالسلاح وبالذخيره
دارنا فوجيهنا من حيث كنا
ما نشاور فيه عميان البصيره
يا ملكنا يا سندنا يا جملنا
احتزم فينا اليا شبت سعيره
تحت رايك سيدي زبن المجنا
معك يا سلمان واصلنا المسيره
السعودي دون داره ماتونا
يقمع العدوان ويصد المغيره
والعدو لو زاد طيشه ماشحنا
اله منا صفعة تلعن مشيره
يبرك الماخوذ وعقاله مثنا
ولو يطير اليوم ما فكه مطيره
دون مكة كان حاد الحرب غنا
كلنا للجيش عسكر يا وزيره
ودون دار وسطها عشنا ومنا
نعنبوا من رد سيفه في جفيره
عقلنا ننساه في ساعة جهلنا
لين نقلبها على الظالم كسيره
من يزعلنا ولا يامن زعلنا
صار حبه فالرحاه المستديره
ينطحن حبه اليا منا طحنا
ولا غدى من حقنا حبة شعيره
ومن كبر راسه عقب فضلة صحنا
كيف يجحد خيرنا لاكثر خيره
قبل لاضاقت على الخايب زبنا
مير عقب اليوم هاذا من يجيره
من يحاربنا عيونه ماتهنا
حربنا يوجع وضربتنا مريره
عقب مامنا على الله اتكلنا
تحت راية سيدي صقر الجزيره
- مرزوق الثبيتي