الموضوعات الأكثر
عبّرت بأسم الأمير سعود من حايل
وعبّرت بأسم الجبل حضره وبدوانه
نشجب فعول الطغاة وكل متحايل
من زاد عن مستواه وطاع شيطانه
حنا حماة الوطن نقعد صغى العايل
حنا صديق الصديق وضد عدوانه
حنا هل الدين حنا خطنا طايل
ما ننحي كود للرحمن سبحانه
حنا فداء للوطن لو دمنا سايل
للعاهل العادل المحبوب وإخوانه
كل بتوجيه وجه الخير متفايل
قايد موجه سفينتنا وربانه
أبو فهد ليث ما به قولةٍ قايل
سلمان رمز الوفا والجود عنوانه
حنا بخير ونعمة ضدها زايل
ما همنا طغمة الطغيان وأعوانه
بظلال حكامنا عزوة بني وايل
أمن الجزيرة هدفهم وأمن جيرانه
ومن جنّب الحق يم العق متمايل
سيف العدالة يشيل الراس وامتنانه
الشاعر: صالح عبدالله الضبعان - حائل