ياسيدي سلمان فالميقاف والله مانمل

من حيث ماوجهتنا شيباننا وغلامنا

حنا يمينك تحت ظل قيادتك رجل رجل

وليا قضينا من يمنا ما نسينا شامنا

حنا حماة الدار من ماض الزمن قول وفعل..

ادخيلنا يامن ونقدم ماتلين اعضامنا

يابو فهد تبشر بجيشٍ لايهاب ولا يذل

عدونا يموت فجعه قبل ضرب سهامنا

عزالله ان هادي على ماقيل مزبانه جبل

نصى الزعيم اللي تقدمنا وعز اسلامنا

نصى الزعيم اللي درى ان المسألة ماتحتمل

تاخير وان اللي يعادينا يشوف اقدامنا

واللي يشكك في عقيدتنا ترى ماله محل

جنى على نفسه وشعبه ماسمع كلامنا

اللي يصادقنا كفو واللي يعادينا خبل

وبقدرة الرحمن حققنا جميع احلامنا

الشعب كله صف واحد مابدا فيه الخلل

واللي يمس اسلامنا تاطا عليه أقدامنا

- الشاعر: بندر بن تركي المقاطي