يالله ياللّي جميع الخلق تسجد له

يا الواحد اللي نعبده رب الاكواني

تحفظ وطنَّا لنا ونعيش في ظله

وتكف عنا الأذى من كل شيطاني

بأرواحنا ومالنا حنا دروعٍ له

ما نرخص الدار لا انذالٍ وعدواني

بقيادة اللي يعقد الامر ويحله

ابو فهد خادم البيتين سلماني

الحزم ينفذ على المطلوب في حله

في عاصفه تقلب الاقصا على الداني

صاروخها يحدد المطلوب ويدلّه

من قوته كن دك الارض بركاني

لا ثارالاول يجي ثاني تبيعٍ له

بقيادة اصقور وقت الحرب شجعاني

سلمان قايد لنا وحنّا جنودٍ له

في خدمته كلّنا شيب وشباني

شعبٍ عريقٍ وفي مايعرف الذله

درع الوطن لا ومرنا طير حوراني

خصيمنا بالنحر حنّا له العله

لا من كسا الجو نيرانٍ ودخاني

اللّي على الحق له رب عوينٍ له

الواحد اللي نعبده ما معه ثاني

الشاعر: حمد المغامس (الوردي) - سدير