الموضوعات الأكثر
يالله تعز المملكة بحكم سلمان
وتمهله ياربي سنين طويله
الحاكم الحازم ذرى درع الأوطان
الصيرمي راعي الفعول النفيله
ابو فهد يوم انتخى فعلنا بان
سطر لنا التاريخ اكبر جميله
اخوان نورة عز والجد مرخان
آل سعود ياسعد من تنتخيله
في عاصفتنا وحزمها وقتها حان
هلّت على الحوثي حمولٍ تشيله
خلّت جنوده ياعرب في خبر كان
وكلّن على ماقيل يلعن عميله
الشرذمه اللي تشتغل باسم طهران
اللي ظهر منها فعول رذيلة
أن ساعف الله ماتصل حزم دخّان
صعبٍ عليك ان حشودك تجيله
من دونه جيوش المملكة صف بنيان
متجهزينٍ بالعتاد الثقيله
شرّابت الموت الحمر دوم شجعان
وبالزود وإن كانت على الجار عيله
ماتحسب أن المملكة شانها شان
في نصرة المضيوم تشفي غليله
تذكر هجاد الليل في قصر دسمان
يوم الكويت إحتل بغدرٍ وحيله
لكن ابوفيصل فهد حطّ نيشان
وقال الكويت تعود والله وكيله
حضّر جميع الدول واعلن اعلان
حربٍ على العدوان بجمعٍ يهيله
والفضل لله بعدها حظنا زان
وحلّت على الغازي كبار الفشيله
واليوم محدٍ يقرب لحد نجران
من دونه رجال الحرس ياهبيله
في معركة الخفجي قبل صد عدوان
وعادت لنا الخفجي بيومٍ وليله
حنّا جنود المملكة سر واعلان
نفدي وطنا كلنا في سبيله
وصلاة ربي عد ماهل هتّان
واعداد ماهلّ االمطر من مخيله
على النبي الهاشمي نسل عدنان
المصطفى راعي الصفات الجميله
- العميد: سويلم مطيع العنزي