دقّت الساعة وطاح المعتدي وقناعه

لا إله إلا الله اللي عالم بالنيه

الوطن هذا ماهو للمعتدين طماعه

دونه الموت الحمر والسيف والجنبيه

من طمع في تربته خابت جميع أطماعه

والحدود بفضل ربي كلها محميه

تحت راية سيدي سلمان سمع وطاعه

كلنا دون الوطن خيّاله ورجليه

يعطي أمره للجميع ويرفع السماعه

والمعارك تبتدي بريّة وجويّة

السما فيها صقورٍ نادرة بتّاعه

والاراضي تزحف جيوش تعشق الهيه

كلها دون الوطن ل أعمارها بيّاعه

صف واحد تتحد والراية سعوديه

ياوطنا حبك بكل الصدور وداعه

لايهمك من نقض عهده وزاد بغيه

علم الحوثي ومن هو أيده وأتباعه

لاغضبنا مابنا رحمة ولا ماويّه

ندحر الباغي ولا له عندنا شَفّاعه

لين مانقلب عليه البنيه التحتيه

من غضبنا يحسب إنْ قامت عليه الساعه

ودّه إنه قابل ٍ بحلولنا الوديه

بس عاصفة الحزم خزّامةٍ ردّاعه

له وللي يفكر بيوم ٍ يسوي زيه

- عطا الله ممدوح