الموضوعات الأكثر
طول يا سلمان وأفعل ما تريد
دام بالدين الحنيف تقودها
شعبك المقدام كله لك عضيد
المخاطر ما تهز زنودها
حيل يا كحيلان في قطع الوريد
الوطن ما تستباح حدودها
الوطن يفخر بقايده الفريد
صيرمي مقدام سعد سعودها
كل مكارٍ على مكره يزيد
غايته يحمي البشر من كودها
دق خشمه حيل لين أنه يسيد
كل مكره لقنه مردودها
خل عدوان الوطن عنا تهيد
لين تعرف نقصها من زودها
بالشرف والعز نحيا علم أكيد
أو نموت بعز تحت لحودها
شعبكم في المجد له باع ورصيد
المعالي رادته ويرودها
فعلكم ماضي وحاضركم جديد
والمكارم قدكم وقدودها
لا تهاون مع قريب ولا بعيد
و التفاهم يحكمه براودها
بالعزم والفعل والرأي السديد
العدا تحرق دوام كبودها
أنت قلبك والخليجي من حديد
فعلكم يسبق على بارودها
ألك يا سلمان ما شيئٍ يكيد
رمز للشجعان هي وجنودها
من يموت بعز عند الله شهيد
بالشرف والعز درب جدودها
إيه ما نرضى المهانة لو نبيد
فوق هذا الكون لين نسودها
المكارم ما تحقق بالزهيد
كل يمنى بينٍ مجهودها
- مبروك النامي