الموضوعات الأكثر
تفاخري يادار بالحكم والدين
وحنا حمات ارضك ومنهو عليها
ولا يلحقك شك وظنون وتخافين
وصدورنا عندك ولى وانشديها
واليا دعيتينا نجي لك ملبين
ولا خير فينا كان مانحتميها
يادارنا وانتي من عصور وسنين
وآل سعود تضدّ لك.. معتديها
وانا معك فالعسر والضيق واللين
وحنا لها والها ومنها واليها
حكمك عدل في ظل نخله وسيفين
وجودك مع الناس وكرمك بيديها
وعطاك عزالله الى قلت تعطين
منها وفيها الجود منها وفيها
كم جاك محتاج ومضام ودخيلين
وعزمك ووقفاتك من بينتسيها
ولانتي بحي الله يـ دار السلاطين
وفي عهد سلمان الحزم ازهليها
يحق لك صابك كبّر.. ماتهابين
وارضك ذهب واكبر فخر ساكنيها
ياغلى ثرى واطهر بلاد وحرمين
وحزامي واولى من لها وافتديها
على عهدنا لين مانموت باقين
وعهودنا.. ووثوقنا.. دونيها
عشنا ونبقى تحت حكمك عزيزين
وتبقى هل العوجا فخر منتميها
ومن يوم توحيدك الى اليوم للحين
انا سعودي وانتمي.. واحفظيها
دون الوطن والحكم والشرع والدين
لا خير فينا كان مانحتميها
- عبدالرحمن مازن العطاوي