الموضوعات الأكثر
جاهزين وقادمين وناذرين
ما نخون الدار لو حنا نموت
دارنا ما هيب للباغي تزين
دونها ندفن كبيرين البخوت
من عصر عبدالعزيز وقبل حين
ما حكمنا غير زاهين البشوت
الشيوخ اللي مكارمهم تبين
فالرخا يصخون في مد البيوت
وفالشدايد واقفين وصاملين
المنايا عندهم لعبة كروت
لاعتزا سلمان قلنا حاضرين
يا خو نورة ما يطيب اليوم قوت
حاضرة مع بادية متكاتفين
بينهم ما مر سلك العنكبوت
هم حجر الماس ما هم كاس صين
يكسره خبل رقص من حضرموت
دارنا فيها ربينا مكرمين
والله إن العز ما عنها يفوت
دون دار العز ما احنا خايفين
ما نخون الدار لو حنا نموت
- زبن بن عمير بن زبن بن عمير