الموضوعات الأكثر
جاك يا الحوثي هلاكك بالدفاع الجوي
عاصفة حزم السعوديين عزم وقوة
الفعل ضربٍ على راس العميل مدوي
والنوايا طيب واسلام وهدى ومروة
والخسيس اللي خدعك بحبله المتلوي
ما له الا جمرة يطفي لهبها ضوه
يا هبيل الراي وش مع ربعنا بتسوي
جند ابن سلمان حولك يردمون الهوة
غرروا بك طغمة الفرس وركضت اتعوي
تحسب ان الحكم بيدين العجم تلهوة
ما دريت برد فعل العاقل المتروي
لين وضح خط سيرك للأنام مفوه
قالها سلمان يالواطي رفعك اعلوي
منت كفوٍ للمعالي ما رعيت الخوة
خذ على راسك جزاك اللي عطاك اسْموي
والملالي الفرس عروك ورموك مشوه
لو تقول اني غلطت بسكرتي وعْتوي
والنهار اللي جمعنا بالعروبة توه
انتهى عهد الخيانة والسنين اتطوي
والسعودية تبي غيمٍ غزيرٍ نوه
الشاعر - حازم الجبرين