العاصفه بامرك مشت دكت حصون المعتدين

واحلامهم ضاعت وامانيهم بعد راحت سدا

والحوثي الخاين وربعه زمرة ابليس اللعين

ندعس عليه بشاية الله لين يخضع ويهدا

الضرب من فوقه وتحت ومن يسار ومن يمين

حتى يشوف الذل ويعيش الحياة مشردا

وحنّا سعوديين معروفين من ماض السنين

الجار نفزعله ليا من ضاق ونكيد العدا

يا خادم البيتين يا سلمان شعبك جاهزين

شعبك ليا ناديت له يا بوفهد لبّا الندا

انت الزعيم الفيصلي اللَّي له القاسي يلين

فيك الشجاعه والسياسه والوفا ما له مدا

وفيك الحميَّا والظفر والعزم ياليت العرين

من يلتجي بالله ثم بحماك حقه ما غدا

شعب اليمن ينخاك قلت ابشر وحنّا حاضرين

ابشر بعزّك ياليمن كلمه لها صوت وصدا

كل التحالف والدول وشعوبها لك ميّدين

والله يعين الحق واصحابه على اصحاب الردا

حنا حماة الدين والدوله كعام الطامعين

نحيا بعزٍ فالوطن والاَّ نموت وشهدا

يا دارنا يحفظك ربي من شرور الحاقدين

ما نملكه وارواحنا دونك نقدمها فدا

يالله بنصرٍ منك يا رب الملا وانت العوين

تمدّنا بالنصر من عندك ولا غيرك حدا

واختامها صلوا على المختار سيد المرسلين

نبينا المبعوث فينا بالرساله والهدا

الشاعر - عبيد بن فالح ابو جراح ابوثنين