الموضوعات الأكثر
شبيت نار الحرب يالمرشد الضال
بين أمة الإسلام سنة وشيعه
واليوم بعد الناس ما صبرها طال
وضاقت رحابتها الصدور الوسيعه
ولا عاد يجد النصح ويجدن الآمال
مع سيّد البدعه ورأس الخديعه
صارت يدين أقصر عباد الله طوال
والحرب طبله فالاذاني قريعة
ظهر لها بين الرياجيل رجال
له في ارقاب أحفاد الأصحاب بيعه
حامي حماها من ثرى الجال للجال
ومكه وطيبه في رقبته وديعه
سلمان بعد الحمل على العرب مال
قال العرب ما ارضى عليها الهزيعه
اهويت بالأجرب على روس الأنذال
اليوم ماهو بكرة ولا تبيعه
وجمع طحاطيح العرب جمعت ارتال
والله جمع في قلوب الأعداء الفجيعه
وهبت هبوب النصر مع طيب الفال
والحزم تدفعه الظروف السريعه
والله جعلها لعزّنا طلقة عقال
وآذان بعاصفةٍ عليهم شنيعه
تجتاح عاصفة الحزم كل دجَّال
من بعد هبتّ من بلاد الشريعه
وسرت صقورٍ تحتها خيال وجبال
ومن فوقها ربٍ نصر من يطيعه
ليلٍ سرى ثلثينه وثلث ما زال
والحوثي متكي حسين الطبيعه
ومتميزرٍ بحوكةٍ لونها شال
سوادها من قلب منهو صنيعه
مرتاح ما جينا على باله ببال
يحسب يمنّا سلعه له يبيعه
وهوت على راسه من الجو الأهوال
ما سرّته كثر الحصون المنيعه
صقور الخليج القت على راسه اللال
والمملكة صقورها فالطليعه
حفرت سد الصبر ياشين الأعمال
حتى أغرقك يالفأر من فيض ريعه
أرض اليمن أرض العرب عبر الأجيال
ولا نرتضي للفرس فيها نزيعه
يقولها سلمان وسلمان لا قال
قوله فعل والفعل يظهر وقيعه
يابو فهد فزعتك تضرب بالأمثال
وتستلهمه سطو القلوب الشجيعه
يا قايد الأمه وياسيد الأبطال
و يا غيث نهضتها وماطر ربيعه
يا معزّي الوقفات ويا معربّ الخال
اضربنّا وحنّا السيوف البتيعه
الله جعلك لعالي الهمّه اخصال
ومدّك بعون أهل الفعول النجيعه
مقرن ولي العهد جازم وبتال
تنزله الهامات لو هي رفيعه
ولي ولي عهده من الأسد ريبال
أعداء العقيدة من يدينه صريعه
حلّيت يا محمد ابن نايف إحلال
قلوب شعبك والمشاعر تذيعه
يالله يا منزل تبارك والأنفال
نطلبك نصرك من قلوبٍ خشيعه
لجيشٍ وزيره يغزي وشرعك ظلال
والمصطفى محمد رسوله شفيعه
جيشٍ قطاعاته لها عدة أشكال
وكلمة التوحيد راية جميعه
جنده قنابل حرب وصنوفه أذهال
وخبرات قوّاده فالأعداء ضليعه
يزحف به محمد على الجبهه قتال
ويقطف ابن سلمان روسٍ ينيعه
الله يا محمد يئيدك بنزال
ساعه نصر لمحتمين الشريعه
- الشاعر/ فهد القثامي