رفعت راس الناس يا سيد الناس

وكتبت في وسط المجرّة سعودي

سعودي يعني غير واتنفّس إحساس

ان الفخر سلمان وادركت زودي

ماهي غريبة وانت راسٍ ولد راس

من وحّد ارضي وامّن ارضي وذودي

من لامني في سيّدٍ ماله اجناس

اللي عليه اليوم يكثر حسودي

اسمك غدا للحزم والعزم نبراس

اشهد بها واعد انا من شهودي

شف هيبتي بعروق قلبي والانفاس

افخر انا باسمك واواصل صعودي

اكرمت كل الناس اما للأنجاس

الموت للي يقترب من حدودي

ومن لا يعرف المجد والمجد له ساس

بيعرفه ينخى مواطن سعودي

- الشاعر/ منصور البطي