الموضوعات الأكثر
من لا يضر الى لزم الامر ماسر
وحنا صبرنا لين شفنا الصبر طال
لا والله الا ندحر الضد ونضر
وان راده الله.. ندفع.. ونقصر.. آجال
عدونا في حلم.. قاداتنا اغتر
مايدري انه تحت دربيل ختّال
وقاداتنا ماقصروا والصبر مر
إلين ظل الامن عن دارنا مال
شيوخنا فالسلم ببشوت وغتر
وفالحرب دون الشعب.. رجلي وخيّال
والدين خطٍ دونه الموت الاحمر
نذود من دونه شيابين وعيال
حنا صقور الجو وسباع فالبر
وبالعزم نشرب غبّه ونطحن جبال
دون الوطن مانكره اليوم الاقشر
وخيولنا لا شافت الخصم تختال
تبحث يديها القاع عرض وتنفر
وذيولها فوق العراقيب شلال
ورجالنا غاراتها كلها.. كر
يكرم علينا الفر في كل الاحوال
اما نجي هلنا بنصرٍ مؤزر
والا نموت بعزنا موتة ابطال
كم من عقيدٍ من نحر جيشنا فر
وكانه قبيض.. اعقاله لرجله اعقال
وكانه صمل عوّد على ربعه ايجر
رده حصانه يسحب اكراعه اجفال
ياشيوخنا حنا على الخير والشر
دون الخليج ودونكم جيش ورجال
ياشيوخنا وكبارنا والله أكبر
منا لكم فوق الولا.. حُب.. واجلال
- محمد بن فطيس