بالحرايب ما تخوفنا اعدانا

نصرنا باذن الولي ربي كفيله

جيشنا المغوار هو حامي حمانا

مايهاب الحرب لو ولّع فتيله

ما نهاب الموت لو قرّب وجانا

العدو لو ما يجي حنّا نجي له

لين نأخذ بالقضاء ثار قصرانا

نضرب العدوان بأسلحةٍ ثقيله

نضرب العدوان في حد السنانا

لين رأس الخصم عن جسمه نشيله

وعندنا صقورٍ يحومون بسمانا

من زرع لابد ما يجني حصيله

الوطن دونه رجالٍ ما توانى

حاكمين وعدّلوا من فيه ميله

نجد حامينه على ظهر الحصانا

من عصورٍ سابقه محدٍ يجي له

والحرم حاميه ربه مايهانا

احتماه من ابرهه واصحاب فيله

وسيدي سلمان كان انه دعانا

كلنا لرضاه وسيوفٍ صقيله

وكلنا فدوة وطنا لا نخانا

ما يهون تراب دارن ننتميله

- الشاعر/ فرحان المطرفي