أبوس خشمه وانشده ويش لونه

ومحبتي له ماوراها طمايع

واقدِّره واشاركه في حزونه

واثره عدوٍ لي خبيث الطبايع

فرقا وفرقا فرَّق الله ضعونه

الحزن من قلبه على الكبد مايع

إكحل عدوِّك لين تعمى عيونه

البس له أغلى اللبس لو كنت جايع

لو عشت عمر شعيب وانت بمهونه

ضايع وما تقضي من العمر ضايع

العز يوم يغامر الرجل دونه

وأعمار غيرك مثل عمرك ودايع

واليا لقيت أهل الدهر يشتكونه

لا تشتكي دهرك على كل صايع

- الشاعر: خلف بن هذال