أنا لي شهر وازود وانا خاطري مزعوج

أدور على الراحة ولانيب لاقيها

هموم الزمن تلعب بقلبي سواة الموج

الا قام يرفع فـ السفنية ويرخيها

من أسباب فرقا الجادل الفارع العمهوج

عسى الله يرجعها على قلب غاليها

خذاها المفارق واسلكت دربه المسهوج

ولا ودعتني جعل ربي يجازيها

ومن يومها واَنا هجوسي عليّه فوج

قصيدة مسرحّها قصيدة مضويّها

عليك الله اكبر ياصروف السنين العوج

وش الحاجة اللي باقية ماخذيتيها

سوى ذكريات تصطفق في الذهن وتروج

ودمعة حزن ساحت على خد راعيها

- محمد السفياني