مبروك يا دارٍ قديمٍ عهدها

للعز والتاريخ فيها وجودي

دارٍ على الإسلام قامت عمدها

المجد فيها له مقرّ وعمودي

دارٍ بها البيتين كلٍ قصدها

ينوى لها من كل فرد وحشوي

دارٍ على العدوان شِتّت بددها

بالشرع والسنّه تقوم الحدودي

دارٍ بها الخيرات كلٍ حسدها

الخير فيها كل يومٍ يزودي

سلمان حاكمها وهو من سعدها

رمز الشهامه من عصورالجدودي

بالرآي والهمّه يحلّل عقدها

يا كبر قدره عبر كل الوفودي

المملكه عمّم عليها رغدها

شيٍ نشوفه ما يبي له شهودي

كل الديار اليوم فخر ابلدها

زعيمها رغم الحَقَدْ والحِسُودي

يتعب لنا من شان يبعد جهدها

يسهر لراحتنا وحنّا رقودي

أبو اليتامى والرمل في ضهدها

يبذل لهم من كل شيٍ يكودي

لعل نفسه ما يدنّى لحدها

غيثٍ على العالم يبلّ الكبودي

عسى سنينه ما نحصّي عددها

آمين يا اللي كلّنا لك سجودي

أبو فهد دامه يحارب نكدها

وإخوانه أعوانه وهم لهعضودي

فحنّا بنعمه وآهني من حمدها

الله يديم إلنا الأمن والركودي

وصلاة ربي عد حنة رعدها

على النبي إعداد رمل النفودي

عبد العزيز بن محمد بن قاسم العنقري - جامعة الأمير سطام بن عبد العزيز