انتظرته خلف شباك الأماني

وانقضى ليلي وهو ما بان ليله

احسب الساعات واعد الثواني

ويل قلبي لانتظر يا ويل ويله

احتريته ورد وزهور وأغاني

شمعتين وناي وسراج وفتيله

احتمي بالسور واغير مكاني

خوفي العذال تعرف رسم خيله

ارتعش هجر وجفاء خلف المحاني

وانكسر غصن الهوى وانشاف ميله

البواخر شعر وافكاري مواني

والعذاب موّفي صاعه وكيله

القصايد ما تجوز الا معاني

والجروح تجر للمجروح شيله

الحبل ما هزته كبر السواني

والبدو يا ما ترجت من مخيله

- الريم