الموضوعات الأكثر
مدري وش أقول لكني من أعماقي
جريت لك يا شقيق الروح من جوا
صدق الغلا اللي على شرواك ينساقي
خطبت له من بنات الفكر مانوا
شيخة بيوت القصيد بيض الأوراقي
يأطهر مخاليق ربي بآدم وحوا
إيحن لك راعدي ويلوح براقي
وتهل غيمة قصيدي كل مادوا
رعادها الود والتقدير دفاقي
تزاحمة في سماي وقادها نوا
على ثراء قاعك اللي جعلها الساقي
عساها يبطي عليها المزن لي هوا
يا جمل هدايا القدر في عمري الباقي
شف كيف نفس القدر فاللي بقا سوا
ما مداني أفرح بشوفك وأسعد أحداقي
وانا من المؤمنين بما القدر ضوا
العام مهديني أغلى شخص بآفاقي
واليوم باغلى هديه يا فهد نوا
مدري وش أقول لكني من أعماقي
ما غليت مثلك شقيق من آدم وحوا..!!
- مانع الوايلي