لا والله إلا كل كل الدواسر

يبايعونك يا ذرا الدار سلمان

بيعة عهد يا من للإسلام ناصر

يا من رفع شأن الوطن فوق الأوطان

ياخو فهد يابو فهد والشعب فيك يتباشر

عم الفرح في الشعب حضر وبدوان

يا ابن الملك يالمستشار المعاصر

ياللي رفيع الشأن في كل الأزمان

حكمتها منذ نعومة الاظافر

ستين عامٍ وأنت للحق ميزان

يشهد لك التاريخ ماضي وحاضر

يا صفوة ملوك العرب يا كحيلان

ومقرن ولي العهد يأمر ويآمر

وحنا جنوده لا غشى الجو دخان

ومحمد النايف على الأمن ساهر

سور الوطن حاميه من كل خواّن

حنا الدواسر كالاسود الكواسر

تحت أمركم ونقولها سر واعلان

وصلاة ربي عد ماهل ماطر

على النبي الهاشمي نسل عدنان

الشاعر/ ماجد بن حسن آل ناهش الدوسري - رئيس المجلس البلدي بمحافظة وادي الدواسر