كل الجهات عيونك اللي ظلالي

وين ألتفتّ أشوفك الجرح ودواي

لين اشملت سابقت معها خيالي

واليا اجنبت بالدرب خانتني اخطاي

يالذّتي بالعمر لا يا حلالي

شاب الزمن ما شاب في جفني بكاي

- ريمية

خل الغياب اللي رحل بك ينفعك

ذاب انتظاري شوق وإحساسك جليد

في غيبتك نبض المشاعر ودعك

يبست عروق ومات من هجرك وريد

أنهيت وقتٍ كان فيني يجمعك

بددت ذكرى الحلم والعمر السعيد

- حنان آل فاضل

أنا أحبك لو نسى القلب طبعه

ياللي غلاي بصحوة الشوق قادك

يا شاعري طفيت بيديك شمعة

بالله قلي ويش بالبعد فادك

قرب تعال وحلم الأيام رجعة

وأشعل سراج الشوق وأكسرعنادك

- دموع الغيد