الموضوعات الأكثر
عزالله ان راح منا فقييدة
وعزالله انه مات قايد وطنها
راح الوفاء راعي الخصال الحميدة
راح الذي يقودها في خطرها
مير العوض باللي يضد الزهيدة
سلمان هو اللي يقودها من رسنها
ومقرن عضيده والعلوم المجيدة
يرسي كما ترسي شوامخ قورها
ومحمد النايف ونعم الوليدة
شيخٍ يجوّد ضربها في نحرها
انتم كنوز العرب وانتم رصيدة
وانتم حماة الدار وانتم عمدها
وانتم كعامٍ للمعادي عنيدة
وانتم سوار الدار وانتم عربها
وانتم ملوكٍ ترتكي للمكيدة
تاطى خطرها ثم تلعن جدفها
واليوم حنا في حياة رغيدة
والدار مأمونة وحنا عمدها
ما همنا من هو يكثر هبيدة
كلاب عدوانٍ تموت بغددها
وحنا الدواسر من حفيد لحفيدة
حنا جنود الدار وحنا طربها
وحنا هل الوقفات واهل الطريدة
وحنا مداغيش الحرايب واهلها
واليوم في حكمٍ ودولة رشيدة
ترعى مصالحنا وتحمي شعبها
وعسى البلد تسعد سنين عديدة
في ظل حكامٍتعدل ميلها
وعسى عهد حكمك اسنين مديدة
وعسى السعد فالك وترفع علمها
وترى الوطن حب وولاء وعقيدة
متوارثينه من قديمٍ عهدها
- الشاعر/ سابر بن علي بن مناحي الدوسري