قالوا توفى وكلٍ صار يرددها

وتناقلوها الملا من قبل الإعلاني

قلت ارحمونا إشاعه لحد يصدقها

عبدالله بخير وكل ماقيل بهتاني

وأثر المنيه إلا حلت بموعدها

لاهي تشاور ولا تطلب إذن ثاني

جانا الخبر عبر شاشات نراقبها

والعلم أُكد بلا زيف ونكراني

قالوا حبيب القلوب أقفى وودعها

من غير رجعه وسال الدمع غطاني

راح الحبيب وشكت عيني مدامعها

من حر دمعٍ ذرف عليه هتاني

راح الحبيب وقلوب الناس أتعبها

فراقه اللي كواها بوهج نيراني

راح الحبيب ونعته قلوب مسعدها

وبكت عليه الديار ونوحها باني

راح الحبيب اللي أفعاله يمجدها

شعبه ويبكيه ولدانه وشيباني

تنعى الرياض الحبيب اللي مواكبها

وتنعاه قاصي ديار العرب والداني

جابوك محمول فوق أكتاف متعبها

هم الفراق ودموع الشعب غدراني

الكل عينه على الشاشه يراقبها

ويدعي لعبدالله اللي غطي بأكفاني

ياجعل روحك بدار الخلد مرقدها

قبرك عسى روضة من روض الجناني

قلوبنا يابومتعب تنعي قايدها

وتذرف بدال الدمع من دمها القاني

لكن عزا قلوبنا باللي يعوضها

سلمان هو بلسم قلوب الشعب حاني

جيناك بقلوبنا وأرواح تتبعها

وبعالي الصوت بايعناك سلماني

أنت الخلف وأنت من يرفع قواعدها

وتشيل حملك على ثقله بإتقاني

وياعل ربي يشد أزرك بمسندها

مقرن حبيب الشعب وعضيدك الثاني

ومحمد بن نايف بصيته يساندها

له صيت وله هيبةٍ فخرٍ للأوطاني

أنتم لنا عز وفخر الكل يرددها

وأنتم لنا ذخر وفوق الرأس تيجاني

سيروا على نهج عبدالله ممهدها

وربي يحمانا ويعم الخير بلداني

- الشاعرة/ فاطمة محمد المالك