الموضوعات الأكثر
يالله ياخالق من الطين إنسان
يا مدبر الأرزاق ومدبر الكون
يا محرقن بالنار من يعبد أوثان
وتجزي من يعبْدك بساتين وعيون
ياعالمٍ مالم يكن كيف لو كان
لاقلت للشي كن سبحانك يكون
تحفظ وطنا المملكة نبع الإيمان
مهد الحرمين الشريفين وتصون
وتعز حكّام السعودية أزمان
آل السعود اللي على الحق يمشون
دستورهم مبني على شرع قران
على هدى مصحف وسنّة يحكمون
أخوان نورة بالمواقيف شجعان
عن السعودية ملوك يذودون
هذا وجينا نبايع اليوم سلمان
بيعة وفاء والشعب بالعهد يوفون
مليكنا سلمان للمجد عنوان
حنّا من أجله والوطن درع وحصون
سلمان وجه الخير والصبح به بان
خادم بيوت الله واللي يطوفون
صاحب وفاء رافق مع اخوه سلطان
يوم انمرض خاواه وانتم تخبرون
ملك حكيم وراجح العقل ميزان
شعبه يبيه وفي سموّه يمارون
ومقرن ولي العهد له عندنا شان
طيّار حربي للعدو سيف مسنون
ومحمد ولد نايف كفو طير حوران
الامن من بعد الولي فيه مضمون
حنا نبايعهم لجل خدمة أوطان
بالسمع والطاعة ونبقالهم عون
واختامها صلوا على نسل عدنان
محمد رسول الله عدد من يحجون
- الشاعر: نايف العبيد