غرك مقامك.. يا حبيبي وجاهك

ما عاد لي.. فالاولويه.. مقامات

واللي من اطباعي يشد انتباهك

ما عاد له في ناظرك.. التفاتات

باول لقاء.. طيبت جرحك واهك

واخر لقاء.. زودتني جرح واهات

ابعدت.. عنّك ما يزيد.. اشتباهك

وقربت.. منّك ما يزيدك... مسرات

تعبت.. وانا امشي برغبة مشاهك

واليوم.. لي وقفه معك انت بالذات

انت بمحلك.. واستمر.. باتجاهك

وانا بمحلي احكم.. النفس والذات

واللي سمعته.. من عذوبة شفاهك

باعكس مساره في جميع المسارات

وان مرني شخصٍ خذا من شباهك

لعنت.. ظيم الحب باللي معك فات

- ألمانيه