الموضوعات الأكثر
ربيع ثاني عام ست وثلاثين
اشنع خبر ومؤكدين رواته
وفات ابو متعب زعيم السلاطين
يالله عسى الجنه سكنه ومباته
لاتذخرين الدمع هاتيه يا عين
ابكي على اللي ما نسينا وصاته
دمي توقف وانحبس بالشرايين
على زعيم ن في الحرم منجزاته
صقر العروبه خادم البيت والدين
حزنت ملايين البشر من وفاته
رفع قدر السعودية بكل الميادين
ورفع لواء الإسلام ومقدساته
وله وقفتن ترجح بكل الموازين
في حكمته في هيبته في دهاته
عساه بالفردوس بين البساتين
وترجح موازينه بكل أحسناته
ياكثر ما عالج قلوب المريضين
ويا كثر حبه للوطن في حياته
كل الدول جونا وفودن معزين
والطفل يبكي في المهد من براته
والبيعة لسلمان ساس الوفيين
سلمان ليوصل الخبر منتهاته
انبايعه في حزة العسر واللين
شعبك على حد الوطن يا حماته
الشعب وافي والقيادة ميامين
في طاعة الحاكم عرف واجباته
من عهد أبوتركي على العهد باقين
عهد الجدود اللي حفظنا ثباته
أشعارنا التوحيد في حكم وافين
كل الوطن بايع شمال وسراته
الشعب سيفن في نحور المعادين
من واجبه يدعو لكم في صلاته
وتجدد البيعة وعهدن من اسنين
لأبو فهد لين الزمان وقساته
وصلو على محمد إمام المصلين
نبينا اللي ما نضيع وصاته
- الشاعر/ صالح بن علي آل سفران القحطاني