الموضوعات الأكثر
ثاني ربيع آخر بست وثلاثين
شعب السعودي بات يبكي مصابه
يبكي المليك اللي به العطف واللين
ماشي على نهج النبي والصحابة
يبكي المليك اللي بكته الملايين
كل الدول جاها الحزن من غيابه
خادم بيوت الله ريف المساكين
بعد المولى ما خاب منهو لجابه
مكارمه وصلت جميع البلادين
بلدان ما احصي عدها بالكتابة
يا رب ثقل له خفيف الموازين
ويا رب ضاعف له جزاه وثوابه
يا رب وان تسكنه جنات علين
واطلبك يا ربي تخفف حسابه
وتجبر عزانا فيه آمين آمين
هذا الدعاء والله عليه الإجابه
وحفظ لنا سلمان ونصر به الدين
وقبل دعاه اللي طلبك ابخطابه
يا رب وأن تكفيه شر المعادين
وتحفظ له إخوانه وتحفظ جنابه
وحنا هل عشيره جميعٍ موالين
عشيرة سدير اللي بهاك الهضابه
ومبايعين الحكم في العسر (واللين)
عنهم كتبها الشايقي بالنيابه
الشاعر/ عبدالله بن سعد الشايقي - عشيرة سدير