جيت المكان اللي جمعنا أول العام

واللي شهد يوم المفارق علينا

واللي دفنّا فيه حلوات الأحلام

وأيضاً دفنّا فيه حبٍ ثمينا

وكفّيت دمعٍ سال بأطراف الأكمام

ومشيت دربٍ فيه ياما مشينا

باقي من الذكرى به آثار الأقدام

والصخرة اللي قد تحتها بكينا

وباقي علامة حب خطتها الأقلام

رمز الغرام اللي كتبته إيدينا

ورجعت منه وحالي أقرب للاعدام

وأشيل قلبٍ من عذابه حزينا

وبكيت حبٍ معي تبكيه الأيام

حبٍ توفى وأدفنته السنينا

حبٍ رحل ماهوب تزييف وأوهام

حبٍ لجل ذكراه ياما شقينا

- الشاعرة: أغاريد السعودية