آتناسى ما ابي طاري غرامه
حتى لو اطروه كني ما ابيه
من قديم الشوق يسكني ضلامه
واتضاهر بالجفا ما ابي اجيه
الغياب بدنيتي وش هو مرامه
غير جرحي والشقا حسبي عليه
والحبيب بغيبته زاد بسهامه
مادرى انه بالغلا ماله شبيه
لكن الاقدار ورتني ملامه
كيف انا قلبي وش اللي يحتريه
ايه احبه دايم عالي مقامه
وطاري النسيان قلبي ماقويه
احفظ احساسه وشوقه واحترامه
دام له بالروح شوق ٍ يحتريه
وآتناسى ماابي ذكرى غرامه
عندهم لاطروه كني ما ابيه
- الشاعر: فهيد البقعاوي
