طل الصباح وغردّ العصافير
وأنا أنتظر متى حبيبي يجيني
نظمت في رجوى وصاله تعابير
وجفت دموعي والهموم اتحديني
طيفه يناجي هاجسي صبح وعصير
(أاضحك وأجامل واكثر الحزن فيني)
الهجر ما له يا اريش العين تكفير
تم الوصل يا زين بينك وبيني
اسلّي الخاطر بكثر المشاوير
واسج عن طاريك في كل حيني
والهم بأعماقي مسوي طوابيـر
أخفيه في قلبي وتبديه عيني
العشق جارح.. والمفارق مقادير
والشووق يوجع والوله محتويني
الانتظار الي بروحي مثل طير
داخل قفص (صدري) سواة السجيني
يا من يبشرني وأسوق التباشير
في عودته لعل جويّ يزيني
افرش له الخافق ورود ونواوير
وأعيش أنا وياه باقي سنيني
يالله عسا خلٍ تركني على خير
بالخير ابفرح بالوصال ويجيني
مروان الجعفر الشمري
