هات العتب كان في قلبك بقايا عتب
صدري على كل ما ودك تقوله: رحيب
اللي بليا سبب يزعل.. بيلقى سبب
ويا حلو من هو زعله ليا تضايق قريب
الطيّب اللي يرد النفس وقت الغضب
مثل الجبال يتسامى عن طمان الشعيب
وفالناس من لا تأثر به سلوم العرب
تطيب به طول عمرك.. بس هو ما يطيب
زود الأدب مع قليل العرف: قلة أدب
وما هوب شرط الغريب يكون دايم أديب
يخجلك من هو يبادر لا زعل بالعتب
لو «الثمانين» جته فـ يوم صدره رحيب
- زايد الرويس
