جنود الوطن يا موطن العز وأهل العون
يقولون ويطولون والعهد يوفونه
مواقفهم أبلغ ساعة الحسم ويوفون
إنجازاتهم في شد الأحداث مضمونه
هل الراي فيهم رايهم فوق ويشيدون
بما يبذلونه في سبيلك ويدونه
لامانة بدم اعناقهم عهدها مصيون
جنود الوطن في ساعة الضيق وركونه
يذودون عنك بقلب مخلص ولا يخشون
سوى الله ولا غيره هل الحق يخشونه
على اربع جهاتك يا وطنا حجا وركون
لعزك وعزك يرخص العمر من دونه
جنودك رجال المجد والمجتمع يثنون
على فعلهم وأمانة العهد مأمونة
أوسمة الشجاعة مجد تاريخها مقرون
بسيرة بواسل موطن الخير وحصونه
تباهى بهم يا موطني والفخر ممنون
ثرى أرضك بزهرة غالي العمر يفدونه
هل الموقف المعهود طول الزمان حصون
تصد العدو وحدود أراضيك مصيونة
بفضلٍ من الله جلّ شانه عظيم الكون
تعيش بسلام وعز واعداك مغبونة
أقوله وأنا كلي فخر والقصيد فنون
جميع المشاعر تكتب الشعر ممنونة
فخر واعتزاز و موطن العز واهل العون
له الفخر في حكّامه الغّر وركونه
- فتاة نجد
