حرام تكسر خاطرٍ خاطره فيك
محتاج كلمه ومْتلهف عباره
لـ الشوق غصّه مانعتني لـ أحاكيك
ولـ البوح حرقه ولْسكوتك مراره
قلبي بناره محترق من تجافيك
ما أثلجت شريانه ولا أطفيت ناره
مدري وش أخبارك ولا وين أراضيك
صمتك محاصرني يا ماقسى حصاره
ياليت أحد يعرفك ويجيب طاريك
والله لـ أعطي من يجيبه بشاره
تغيب وأسامح برودك وأداريك
ويحنّ لك قلبي برغم انكساره
لو خيّروني بالسعاده وأخليك
لـ اختار قربك وأنتشي بـ اختياره
ليتك تقول لْمن يلومونني فيك
مافيه أحد مجنون بي كثر.....
- الشاعرة: عيوف
