لوحة

ياهاتف الليل لا تمسي ولا تسري

مقدار ما أسألك عن كامل تفاصيلك

اقول وتقول لكن ماحدٍ يدري

صبحك هو الصبح ولا من طرف ليلك

الغاية اني سمعت الصوت من بدري

قدام تقلط على ضوي معاميلك

اما تواريت ماقللت من قدري

ولا تراكم سحابك وانحدر سيلك

أي والله انك مغيث وبالحيا تحري

واني لي ايام بس ارعاك واوميلك

التاع قلبي وهايم وانفرا ستري

والحزن يكسي حروفي يوم اغني لك

مابين شرد الهجوس وفلسفة فكري

تسعين ميقاف تقبل لي وتقفي لك

ان جيت اقدم لها ماياسعه عذري

مرت على مهجة الساري تفاصيلك

- شايع العيافي