الذكريات

مل قلبٍ من الهم انكوى

واه من خاطرٍ عيا يروق

لأقبل الليل هاجوسه ضوى

مع غروب الشفق لين الشروق

يستعيد الشريط وما حوى

ذكرياتٍ تهيض للخفوق

كل ما جيت للمرقد نوى

صايبه من هوى خلّه فتوق

جادلٍ في محبتها اهتوى

حبها وسط دمّه والعروق

شوفها راحت البال ودوا

تسعد اللي من الحزن مخنوق

عود موزٍ من الساقي روى

راويٍ مثل ما تروى العذوق

يتمايل معا ريح الهوا

كن ما هوب بالعظم مخلوق

كل من شاهد عيونه غوى

لو عقله على العاقل يفوق

لا تبسم وسلهِمهن سوى

ضيّع مشاهده كل الطروق

وان لمس رمشه الخد انطوى

كن رمشه من خدوده يذوق

ولا كسى خصره اللبس التوى

وان تحدّر على ردفه يضوق

اشهد انه على الزين احتوى

واشهد اني على شوفه شفوق

- الشاعر/ سعد الشقحاء