لا تدخل في ضرما

والله اني عن علوم الردي دايم عما

واحشم الاصحاب وانسى لها زلاتها

كلمة راحت ولا سببت جوع وضما

بس ف صدور النشامى خذت شرهاتها

ما تضايق في سببها ودمي ماحما

ولاني مطالب لمن قالها باثباتها

الظلايم مالها سوق ف بيوت كرما

والفضايل فالنشامى ضمن عاداتها

والحقيقه كل مبدع له اعداء وخصما

والبشر ما تنتحاسب ع نياتها

زبدة الموضوع من دون لكن وانما

والقصيده قربت من كمال ابياتها

مانت ساكن بضرما لاتدخل بضرما

ولاتدخل فالعرب حيها وامواتها

الصقور عيونها دايماً يم السما

والدحاجه تحت رجلينها نظراتها

- ممدوح البدراني