غصن المحبة

فمان الله يا كل الورود وروعة البستان

فمان الله يا غصن المحبة والعنا فيني

فمان الله تمطرني كفوفك يا غلا هتان

فمان الله والدمعة تودعكم على عيني

دخيلك والوله يرسم على ليل الأسى حرمان

تصور لحظة الفرقا حكاية بينك وبيني

مثل ليل الهموم اللي يواسي جملة الأحزان

يعاتبني صدى صوته ولجت به شراييني

عشقتك طيف ياخذني على دربك مزيج ألوان

على ضفة بحور الشوق بدا نورك يقديني

ذبحني عقرب الساعة ألا ياليت له جنحان

ويطوي وقتي اللي ما توانا يوم يطويني

أعيش بداخلي غربة غدى وجهي لها عنوان

أنام أحلم تصافحني كفوفك ياعناويني

فمان الله يا كل الورود وروعة البستان

فمان الله ياغصن المحبة والعنا فيني

- الشاعر/ سلطان بن عامر العتيبي