لوحة

لا تسأليني متى كل ما بغيتي تجين

الحب مابه متى كل العمر موعده

حبيبتي لا يهمك وقت .. لا تستحين

انا رميت الدقايق عندك مقيده

هبي وانا باتمايلك غرام وحنين

لحنك من اليوم للبارح وانا اردده

وأنا دخيل الهدب شديني بنظرتين

وش ذنب عبدٍ يخاف العتق ياسيده

وش فيك متلعثمة وش فيه صوتك حزين

تعالي نسولف اللي راح ونجدده

العام كان الهوى بأول سنة.. تذكرين

كلٍ لمح لهفة الثاني وفزّت يده

واذكر شبكنا يدينا وارتبكنا سنين

للحين نحتار ما ندري من اللي نده

الله كم ليلةٍ جيتك معي جمرتين

وآخر قصيدٍ كتبناه ونسيت اقصده

- علي الضوي