لا تنادي

النوايا صادقه هذا الوكاد

ما بقى لليل وجروحك وعد

ذا بياض الصبح والبارح سواد

وذي سما باكر لها برق ورعد

ضوّنا البارح غدت رمل ورماد

للرماد الريح والرمل البَرَد

الوفا سافر معا هاك الوداد

بعتذر صيّفت ما باقي أحد

والملامه ما لها فيني مراد

من يلوم اللي على صدقه شهد

كيف ما اخطي دامها تخطي العباد

الوفا قَفَّى وانا بقفي بعد

لا تنادي ما يفيد اللي يناد

قالوا اللي راح ما يرجع أبد

غمّض عيونك تعب منك السهاد

يا دفا البارح ترى جمرك برد

- الشاعر/ الامير د. سعود بن عبدالله