جرات الونين
يا هبيل الرأي ما حن بمثلك دالهين
عندنا ما يشغل القلب ويزيد احنقه
انت نومك من بلادتك يملا كل عين
وإلا أنا نومي عثا فيه همي وسرقه
وأهني العالم الدالهين الغافلين
م ادروا عن جوف صدري وش اللي محرقه
والله أن بي ضيق ون بي كدر وني حزين
وأن صوتي طيب راسي عن الناس اخنقه
اتظاهر بالسعاده ونا جرحي دفين
وابتسم واضحك وقلبي يساوره اقلقه
حر صدري ما تطفيه جرات الونين
حتى لو وسعت صدري وفكيت ابنقه
والسبب جور الليالي وميلات السنين
والثقة فالصاحب اللي ماهو قد الثقة
الهقاوي عرضتني لهرج الشامتين
وسببت للقلب همه وضيقه وزهقه
السنين اتليًن القاسي اللي مايلين
وتخلف الهقوات وتقدم اللي نفهقه
كل يوم اتبيح الاسرار والخافي يبين
وكل يوم ايطيح من غصن الاحلام ورقة
وكلما زيًنت الأوضاع عيًت لاتزين
وكلما فكيت لي باب جا شي اغلقه
يامود العلم خذ مني العلم اليقين
وابلغه عني ونا اقول ادله واصدقه
ودي اخسر كل ما أملك ولو انه ثمين
ولاحدن ينظر لحالي بنظرات اشفقه
- ناصر بن علي الحارثي
